#МұқағалиМақатаев_90жылдығы​. Жарылқасын Дінмұхамед

Ғасырлар — Аналар
Әлдилеп сәбиін тербеген.
Қатыгез күн туса паналар
Ер ұлға жерік боп шөлдеген.
Ғасырлар — Әкелер
Сенімді мұрагер көрмеген.
Бостандық,
Бақытты әперер
Перзентке зәру боп, шөлдеген.
Ғасырлар — Аналар
Сан рет босанып, толғатқан.
Ол туған бейбастақ балалар
Өмірге қамшысын ойнатқан.
Сен туған қайсыбір балалар,
Өзіңді шаштан ап сабаған.
Ғасырлар,
Ғасырлар — Аналар,
Ол сенің садағың…
Ол сенің садағаң.
Оларға толғатпа!
Төсіңде шыр еткен жаңадан
Волгалық сәбиді ардақта!